Landskjörstjórn fer með veigamikið hlutverk við undirbúning og framkvæmd kosninga til Alþingis og gefur út kjörbréf til þingmanna eins og nánar greinir í lögum nr. 24/2000, um kosningar til Alþingis. Auk þess er á vegum landskjörstjórnar unnið að rannsóknum á kosningamálum um kosningafræði.
Nánar um LandskjörstjórnSkipting þingsæta milli kjördæma í alþingiskosningunum 28. október 2017.
Um fjölda þingsæta og skiptingu þeirra er fjallað í 8. gr. kosningalaga, sbr. auglýsingu landskjörstjórnar nr. 439/2013. Þingsæti eru 63 þar af eru kjördæmissæti 54 og jöfnunarsæti 9. Þau skiptast þannig milli kjördæma:
MeiraKönnun á fjölda kjósenda að baki hverju þingsæti í kjölfar alþingiskosninganna 29. október 2016
Landskjörstjórn er falið í 5. mgr. 31. gr. stjórnarskrárinnar og 9. gr. laga um kosningar til Alþingis að reikna út hvort fjöldi kjósenda á kjörskrá að baki hverju þingsæti í einhverju kjördæmi sé helmingi lægri en í einhverju öðru kjördæmi. Sé svo skal landskjörstjórn færa eitt sæti í einu frá því kjördæmi þar sem fjöldinn er lægstur til þess kjördæmis þar sem fjöldinn er hæstur.
Samkvæmt meðfylgjandi útreikningum var staðan á misvægi atkvæða við kosningarnar 29. október 2016 óbreytt frá síðustu alþingiskosningum.
Meira