Auglýsing frá landskjörstjórn um lista sem verða í framboði við alþingiskosningarnar 28. október 2017

18.10.2017

Á fundi landskjörstjórnar kl. 14.00 í dag þriðjudaginn 17. október var í samræmi við 44. gr. laga um kosningar til Alþingis, nr. 24/2000, gert kunnugt um þá lista sem verða bornir fram í alþingiskosningunum 28. október næst komandi.

Eftirtaldir listar verða boðnir fram í öllum kjördæmum landsins við alþingiskosningar sem eiga að fara fram 28. október 2017:

  •  A-listi borinn fram af Bjartri framtíð.
  • B-listi borinn fram af Framsóknarflokki.
  • C-listi borinn fram af Viðreisn.
  • D-listi borinn fram af Sjálfstæðisflokki.
  • F-listi borinn fram af Flokki fólksins.
  • M-listi borinn fram af Miðflokknum.
  • P-listi borinn fram af Pírötum.
  • S-listi borinn fram af Samfylkingunni – jafnaðarmannaflokki Íslands.
  • V-listi borinn fram af Vinstrihreyfingunni – grænu framboði.

Eftirfarandi listi verður borinn fram í Norðausturkjördæmi, Suðvesturkjördæmi og Reykjavíkurkjördæmum norður og suður:

  • R-listi borinn fram af Alþýðufylkingunni.

Eftirfarandi listi verður borinn fram í Suðurkjördæmi:

  • T-listi borinn fram af Dögun – stjórnmálasamtökum um réttlæti, sanngirni og lýðræði.

 

Reykjavík, 17. október 2017.

Landskjörstjórn.

Kristín Edwald, formaður   
Ásdís Rafnar                                                                                  
Ástráður Haraldsson
Björn Þór Jóhannesson                                                                 
Dagný Rut Haraldsdóttir