Niðurstöðum þjóðaratkvæðagreiðslunnar lýst
Niðurstöðum þjóðaratkvæðagreiðslunnar um gildi laga nr. 1/2010, sem fram fór laugardaginn 6. mars 2010, var lýst á fundi landskjörstjórnar 15. mars. Engar kærur bárust um ólögmæti atkvæðagreiðslunnar. Að teknu tilliti til niðurstöðu landskjörstjórnar um ágreiningsatkvæði sem komu til úrskurðar hennar og endanlegra skýrslna yfirkjörstjórna varð niðurstaðan eftirfarandi:
| Kjósendur á kjörskrá | 229.926 |
| Gild atkvæði | 136.991 |
| Ógild atkvæði | 7.240 |
| þar af auðir | 6.744 |
| þar af aðrir ógildir | 496 |
Gild atkvæði skiptust þannig eftir því hvernig kjósendur svöruðu spurningunni: „Eiga lög nr. 1/2010 að halda gildi?:
| Já, þau eiga að halda gildi | 2.599 |
| Nei, þau eiga að falla úr gildi | 134.392 |
Þar sem meiri hluti gildra atkvæða féllu þannig að synja beri lögunum samþykkis (98,1%) skulu þau falla úr gildi í samræmi við 3. málslið 26. gr. stjórnarskrárinnar nr. 33/1944.
Úrskurður um ágreiningsatkvæði.